JK Labajo kay Maureen: Yung tipong mapapamura ka sa sobrang pagmamahal

PINAKILIG ni JK Labajo ang kanyang social media followers matapos mag-post ng litrato ng kanyang rumored girlfriend na si Maureen Wroblewitz.

At kahit daw hindi pa diretsahang umaamin ang dalawa sa tunay nilang relasyon, naniniwala ang kanilang mga supporters na matagal na silang magdyowa.

Patunay daw diyan ang mga sweet photos nila together sa Instagram. Parehong hindi maamin-amin nina JK at Maureen ang tungkol sa real status ng kanilang relasyon kapag tinatanong sila ng media about it.

Very obvious namang super in love sila sa isa’t isa kaya hindi na kailangan pa ng confirmation, lalo na si JK na very vocal naman sa pagsasabing espesyal sa kanya ang 2017 Asia’s Next Top Model grand winner.

Muli ngang kinilig ang fans ni JK nang i-post niya sa IG ang wacky photo ni Maureen na may caption na, “Yung tipong mapapamura ka sa sobrang pagmamahal. Ganda mo.”

Nauna rito, nag-post din ang binatang singer ng litrato ni Maureen habang naliligo sa swimming pool na may mensheng, “Aking dalagang pilipina german yeah!”

Puro kilig comments naman ang natanggap ni JK dahil sa kanyang mga latest IG post.

Sabi ni @loisazarcon, “Grabe tinalo ang asukal HAAHAHAHAHA!”

Sey naman ni @ghaycris, “Ang cute parang pagtaas ng gasolina lang mapapamura sa sobrang pagmamahal, ang witty mo JK! Ganda naman talaga ikaw Mau!”

“Bat ba ako kinikilig huhu @karloslabajo crush ko yan si @mauwrob e,” komento naman ni @christineboton.

Chika naman ni @gracecamfer16, “Saan ba makakahanap ng lalaking ganito?”

Comment naman ni @joyramireznaldoza, “Si Mau ba namura knarin sa sobrang pagmamahal? Gwapo mo eh!”

Nabuo ang espesyal na relasyon ng dalawa nang makasama ni JK ang Eat Bulaga Dabarkads sa music video ng ginawa ng binata para sa hit song niyang “Buwan.”