Spring Films susugal na rin sa ‘digital world’

ERICKSON RAYMUNDO

GOING digital na rin ang Spring Films at on going na ang shooting nila para sa isang TV series na may 12 episodes, ang Manilennials na ipalalabas sa IWant.

Ito’y pinagbibidahan nina Ria Atayde, Nico Manalo, Via Antonio, ang transwoman na si Mela Habijan at Fifth Solomon.

Nalaman namin ito kay Cornerstone at Spring Films President at CEO, Erickson Raymundo kung saan nabanggit din niya na talagang nag-present sila kay ABS-CBN President Carlo Katigbak at naaprubahan naman agad.

“Nasa 5th day shooting na kami hindi ko lang alam kung kailan ang airing sa IWant. Kuwento ng six characters ang Manilennials. It’s a barkada story na iba’t ibang episodes nila pero intertwined.

“Concept ito ng isa naming direktor kumpleto na tapos inilapit ko lang sa ABS tapos na-approve nga. Ito ang first digital namin on top,” kuwento ni Erickson.

Pero may nauna raw na inalok sa kanila si Bela Padilla (Apple of My Eye), “Ibinigay ko si James Mayo.

Nu’ng naghanap si Bela ng direktor, ibinigay ko si James, mga tao lang namin like producer, we provided Bela pero hindi siya Spring Films because we’re helping her di ba, as a direktor, pero hindi naman siya direktor dito, siya ‘yung writer. Tapos nag-pitch din ako kay Deo (Endrinal) nagustuhan din, so magsa-submit kami ng script.”

Habang sinusulat namin ang balitang ito ay kasalukuyang nasa France si Erickson para sa Cannes Producers Network ng Marché du Film, umalis siya nitong Linggo at babalik sa Mayo 26. Then lilipad uli pa-New York City USA sa Mayo 29, kasama naman si Inigo Pascual.

“Nandoon (France) na si Joyce (Bernal), si Piolo (Pascual) at Erika, ‘yung producer namin punta kami doon.

“Yung New York naman, sa May 30 presentation ni Inigo ng mga songs na ini-record niya sa States.

Tapos June 1 and 2 may event naman si Sam (Milby) for Filipino Independence Parade,” kuwento pa sa amin.

Aminado si Erickson na ang daming ganap ni Inigo kaya nalilito na sila dahil pagkatapos ng Amerika ay may Japan pa sila para sa film festival kasama naman si Angeline Quinto.