ARESTADO ang isang ginang at umano’y kalaguyo nitong barangay chairman nang abutan sa motel sa San Jose City, Nueva Ecija, Martes.
Bago ito, tumawag sa pulisya ang mister ng ginang dakong alas-11:30 ng umaga at humingi ng saklolo, dahil nakita umano ang misis na nagtungo sa motel, ayon kay Lt. Col. Heryl Bruno, hepe ng San Jose City Police.
Dahil dito’y nagtungo ang ilang pulis sa motel sa Brgy. Caanawan at, kasama ng nagreklamong mister, ay pinasok ang silid kung saan nag-check in ang ginang at kasama isang lalaki.
Sa loob, nadatnan ang babae na nakahubad pa, habang ang kasama nito, na nakumpirma bilang si ?Brgy. Abar 1 chairman Librado Dulay, 58, ay nasa loob ng banyo.
Dinala ang mga suspek sa istasyon ng pulisya habang hinahandaan ng kasong adultery, ayon kay Bruno.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.