Nanay Rosario Viceral napaiyak sa ibinigay na sorpresa ni Vice… Ano kaya ito?

NAPAIYAK ang nanay ni Vice Ganda sa “sorpresang” ibinigay niya rito kamakailan bilang tanda ng kanyang walang kamatayang pagmamahal.

Naging emosyonal si Mrs. Rosario Viceral nang matanggap ang “regalo” sa kanya ng anak nang mag-guest sa nakaraang episode ng Magandang Buhay.

No, hindi po ito isang materyal na bagay na nabibili ng pera. Isa itong madamdaming sulat mula kay “Tutoy,” ang tawag ni Mrs. Rosario kay Vice noong bata pa ito.

Sa nasabing liham, binalikan ng Unkabogable Star ang palaging pagsusulat ng kanyang nanay ng excuse letter kapag hindi siya nakakapasok sa school.

And this time, si Vice naman ang gumawa ng excuse letter para sa kanyang ina dahil kulang na kulang ang panahon na naibibigay niya rito. Ito’y dahil na rin sa dami ng kanyang trabaho.

Narito ang kabuuan ng “excuse letter” ng TV host-comedian para Nanay Rosario.

“Tutoy is so busy but he always thinks about you. Your face is always in his mind. He feels your love, he longs for your embrace… You were his mother that gave him the heart to care for other people.

“You were the teacher who gave him his basic learnings about love, sacrifice, and forgiveness. You are the blessing that reminds him that there’s an amazing God.

“You are the first and last woman that Tutoy will ever love,” ani Vice sa liham na binasa ng kanyang ina.

“I miss you, Nanay. See you very soon. Hoping for your kind consideration. Respectfully yours, Tutoy.”

Ito naman ang sagot ng kanyang nanay: “Naglalambing lang ako, anak, kasi ikaw ang bunso. Ikaw ang unang nawalay when you were still very young. Alam kong marami kang tampo, anak.

“Now that I am home, I’m also trying to give what you have missed. Hindi ako nagtatampo sa iyo, gusto ko lang talaga na you will spend more time with me kasi I don’t know how long I will be here.

“So thank you, anak, for your letter. You are excused,” naiiyak pang pahayag ni Nanay Rosario.