Sports

PWEDENG pagkasyahin ang P5 bilyong inilaan para sa hosting ng Pilipinas sa darating na 30th Southeast Asian Games.     Ayon kay PBA Rep. Mark Aeon Sambar mahirap sabihin kung magkano ang halagang kailangan dahil nakadepende ito kung gaano ka-grande ang nais ng gobyerno sa pagdaraos ng SEA Games.       “I think the budget can be made to fit depending on the scale of our hosting of the SEA Games. I don’t think its easy to peg a ‘sufficient’ amount as it depends on how grand we want the SEA Games to be,” ani Sambar sa isang text message sa Bandera.     Kung kukulangin ay maaari umanong humingi ng tulong sa pribadong sektor. “We can also tap our private sector to be more invested in our hosting and explore creative ways in how they can be more involved in the SEA Games,” dagdag pa nito.     At kung kakailanganin ay maaari umanong magpasa ang Kongreso ng supplemental budget para matugunan ang pangangailangan.     “If time permits, we can also explore the possibility of passing a supplemental budget to help defray some of the costs that should be covered by the national government.” aniya.     Sinabi naman ni PBA Rep. Jericho Nograles na mas mabuti nang may P5 bilyong nakalaan para sa SEA Games kaysa naman “zero budget”.     “P5 billion is better than zero. I hope the amount is released on time for preparations of the SEAG,” ani Nograles.     Ang Philippine SEA Games Organizing Committee (Phisgoc), na isang pribadong organisasyon. ay humingi ng P7.5 bilyon mula sa gobyerno pero ang ibinigay lamang ng Senado ay P5 bilyon.     Inamin ni Phisgoc chairman Alan Peter Cayetano na mahihirapan silang pagkasyahin ang budget lalo pa’t nais ng organizing group na gawing “world-class” ang pag-host ng bansa sa SEA Games.