LIGHT at masaya ang set ng TODA One I Love at halata namang maganda talaga ang samahan ng cast members.
Madalas nga ay may mga behind the scene photo at video na ina-upload ang TODA cast tulad nina Kylie Padilla, Gladys Reyes, Tina Paner at Katrina Halili.
Ikinatutuwa naman ito ng fans ng serye. Kamakailan nga ay naglabas ang programa ng bloopers kung saan ipinakita kung paanong tawang-tawa si Kylie sa eksena nila ni Ruru Madrid, ito ‘yung eksena kung saan sasampalin niya dapat si Buboy Villar.
Mukhang naka-ilang take nga sila dahil hindi mapigilan ni Kylie ang bumungisngis sa mga binibitawang linya ni Ruru. Kaya naman si Buboy naglolokong nakiusap kay Kylie kung pwedeng huwag nang tumawa dahil masakit na raw ang mukha niya sa ilang sampal ni Ruru.
Hirit tuloy ng fans, sana raw mas marami pang bloopers ang ipalabas ang programa gabi-gabi.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.