Lalaki patay matapos barilin sa loob ng jeepney sa Pasay City
PATAY ang isang lalaki matapos barilin sa loob ng isang pampasaherong jeepney sa kahabaan ng FB Harrison sa Barangay 13, Zone 4 sa Pasay City Miyerkules ng gabi.
Sinabi ng Pasay City Police na kasama ng bikimang si Jordan Cabarrubias, 35, ang kanyang misis nang mangyari ang pamamaril.
Idinagdag ng pulisya na bigla na lamang sumulpot ang suspek na si Kadar o Catar, sakay ng isang motorsiklo at binaril ang biktima sa ulo at katawan.
Agad na tumakas ang suspek matapo ang pamamaril.
Isinugod ang biktima sa Pasay City General Hospital bagamat idineklarang dead on arrival.
Inaalam pa ng mga otoridad ang motibo at nasa likod ng pamamaril.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.