Good news sa ADN: AlDub hindi bubuwagin ng GMA
ALDEN RICHARDS AT MAINE MENDOZA
Tuloy pa rin ang AlDub Nation sa pagsi-celebrate ng weeksary ng Phenomenal Loveteam nina Alden Richards at Maine Mendoza.
Kahapon ang 190th weeksary ng AlDub kaya naman ang kanilang fandom, gamit ang hashtag na #ADN190thWeeksary muling kinarir ang pagpapa-trending sa mga idolo.
Habang sinusulat namin ang balitang ito, nakahamig na ng mahigit 61K tweets ang #ADN190thWeeksary base na rin sa ipinalabas na episode kahapon ng Eat Bulaga kung saan nagsimula ang tambalan nina Alden at Maine sa pamamagitan ng Kalyeserye.
May mga patama pa rin ang ibang fans ng AlDub laban kay Meng matapos itong umamin na totoong nagde-date na sila ni Arjo Atayde at naipakilala na rin niya ang binata sa kanyang mga magulang. Pero meron marami pa rin naman ang mga nakakaintindi sa sitwasyon ng Dubsmash Queen.
Tuloy pa rin naman ang loveteam nina Alden at Maine ayon sa management ng aktres. Kaya nga guest si Alden this Saturday sa Kapuso sitcom na Daddys Gurl, pinahahalagahan pa rin naman ng GMA ang AlDub pati na ang mga loyal fans na patuloy na nagmamahal sa kanila.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.