Billy ayaw pang buntisin si Coleen: Waiting pa sa go signal

WALA pang plano si Billy Crawford na buntisin ang kanyang asawang si Coleen Garcia.

Ayon sa Kapamilya TV host-actor, hindi pa ito ang tamang panahon para magkaroon sila ng baby. Nais daw muna nilang ma-enjoy ang buhay mag-asawa at pagtuunan ng atensyon ang kani-kanilang career.

“I believe as well that it’s not the right time for Coleen and I to have a kid. It’s because I want her to actually still enjoy and learn her craft as well, as an actress. I want her to grow as an actress,” ang paliwanag ni Billy sa isang panayam.

Alam din daw niya na marami pang gustong gawin si Coleen para sa sarili at sa kanyang career bago karirin ang pagiging mommy.

Kung siya naman ang tatanungin, ready na siyang magkaroon ng anak at ang go signal na lang ni Coleen ang kanyang hinihintay, “Yes, because I love kids. Ako, maalaga ako sa bata, e.

“But apart from that, you know, in a few years siguro. As long as Coleen is ready, honestly,” aniya pa.

Sa hiwalay namang interview, sinabi ni Coleen na before turning 30 gusto niyang may baby na sila ni Billy, “I don’t wanna start too late. I wanna start sana before I’m 30, kasi he’ll be 40.We want more than one, so hindi naman puwedeng sobrang sunud-sunod.”

Hirit naman ni Billy, “Basta ayokong maging 10 years old yung anak ko e, senior citizen na ako. Ayoko naman ng ganu’n. Gusto ko makapaglaro ng basketball or take my daughter to ballet school or whatever.”

Samantala, ngayon pa lang ay excited na si Billy sa paglabas ng bago niyang album titled “Work in Progress”, na dedica-ted niya kay Coleen. Umaasa siya na ito ang magiging daan para magkaroon uli siya ng connection sa kanyang European fans.

Kung matatandaan, bago mag-shine ang kanyang career sa hosting, naging superstar singer siya noon sa France, Netherlands, Belgium, Switzerland at Germany.

“I also want to take it outside the country as well kasi gif-ted ang mga Pinoy pagdating sa talent, especially sa music industry, and I think, wala tayong ikahihiya, may ibubuga tayo.

“I am praying and excited about sa mangyayari sa album na ‘to, kaya nga yung title ng album was Work in Progress dahil I have to grow up,” aniya pa. Ten years nang namahinga sa recording scene si Billy.

Bukod dito, muling hahataw sa concert scene si Billy kasama pa ang dalawa sa mga tinitingalang singer-dancer sa bansa, sina James Reid at Sam Concepcion. Ito ang The CR3W” na mapapanood na sa April 5 sa Araneta Coliseum.

Promise ng tatlong astiging performer sa dance floor, kakaibang concert experience naman ang ibibigay nila sa madlang pipol with their new collaboration.

Mula sa Viva Live, makakasama rin sa “The CR3W” sina Nadine Lustre, Coleen Garcia at Yassi Pressman at mula sa direksyon ni Paul Basinillo. For tickets, call Ticketnet, 911-5555 o Viva Live, 687-7236.