KOREAN word of the week: “Byeol ileobsjiyo” – sa Ingles ito’y “What’s new?” o “Anong bago?” naman sa Tagalog.
q q q
Kumpirmado na ang susunod na project ng Korean heartthrob na si Jung Hae In matapos ang kanyang pagsikat sa Pretty Noona Who Buys Me Food o mas kilala sa titulong Something In The Rain.
Bibida si Hae In at ang magaling na aktres na si Han Ji Min sa bagong Korean drama na Spring Night.
Ang writer ng Pretty Noona Who Buys Me Food na si Kim Eun ang nagsulat din ng Spring Night na nakatakdang umere sa Mayo. Isang pharmacist ang gagampanang role sa serye ni Hae In.
Bukod dito, natapos na rin ni Haen In ang shooting ng kanyang upcoming film na “Yoo Yeol’s Music Album.”
Unang napansin si Hae In sa kanyang supporting role bilang handsome cop sa While You Were Sleeping na pinagbidahan nina Lee Jong Suk at Bae Suzy. At sinundan nga ng Something In The Rain.
Napa-nood din siya sa blockbuster K-series na Prison Playbook bilang isa sa mga bida at supporting role sa Bride the Century na pinagbidahan ni Lee Hong Ki.
Samantala, huling napanood ang magaling na aktres na si Han Ji Min noong 2018 sa Familiar Wife opposite Korean superstar Ji Sung.
https://bandera.inquirer.net/208437/jung-kyung-ho-ng-prison-playbook-bibida-uli-sa-when-the-devil-calls-your-name
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.