240 Pinoy namamatay sa smoking-related diseases kada araw

UMAABOT sa 240 Filipino ang namamatay araw-araw sa mga smoking related diseases.

Kaya kung papatawan ang sigarilyo ng P90 bawat kaha ay maraming buhay ang maililigtas.

Ayon sa HealthJustice Philippines mababawasan ng 1 milyon ang mga naninigarilyo sa 2022 kapag natuloy ang pagtataas sa buwis na ipinapataw sa sigarilyo na nangangahulugan na mas marami ang maililigtas.

“We are expectant that our champions in health will approve the raise in excise tax to 90 pesos to effectively curb smoking among Filipinos and to help fund the UHC that is set to be signed by anytime now,” ani Mary Ann Mendoza, pangulo ng HealthJustice Philippines.

Ayon sa cancer survivor na si Engr. Emer Rojas, pangulo ng New Vois Association of the Philippines, bumababa ang bilang ng mga naninigarilyo kapag mataas ang buwis nito.

“It is our responsibility to help the next generation to live in a smoke-free environment. 240 Filipinos die every day because of smoking re-related diseases in the Philippines. We urge our senators to fast track the deliberations on the tobacco tax bills because the health of the Filipinos is at stake here,” ani Rojas.

Umaasa ang HealthJustice Philippines na maipapasa ng Senado ang panukala bago mag-adjourn ang sesyon sa Biyernes.

“We are hopeful that the committee on Ways and Means headed by Senator Sonny Angara will pass the further increase in excise tax on tobacco before the Congress will go on break on February 9, considering that President Rodrigo Duterte has recently certified the increase in tobacco tax bills as urgent,” dagdag pa ni Mendoza.

Sa pagdinig noong Enero 29 ay nabigo ang Senate Ways and Means committee na pinamumunuan ni Sen. Sonny Angara na aprubahan ang committee report na ipadadala sa plenaryo upang pagbotohan sa ikalawa at ikatlong pagbasa.

Bukod sa mababawasan ang mga nagkakasakit dahil sa sigarilyo, ang pondo na kikitain sa dagdag na buwis ay gagamitin upang punan ang kakulangan sa pagpapatupad ng Universal Health Care Act.

Kakailanganin ng P257 bilyon sa implementasyon ng UHC subalit ang DOH, PhilHealth, PCSO, at PAGCOR ay mayroon lamang P217 bilyon.