Vice inisnab ang imbitasyon, pakaroling ng mga beking stand-up comedian…?

VICE GANDA

Speaking of Vice Ganda, how true ang umiikot na tsismis na umano’y inisnab nito ang naging panawagan ng ilang mga kapwa stand up comedians mula sa iba’t ibang comedy bars during the holiday season?

Ayon sa chika, meron yatang grupo ng stand up comedians na nagpadala o nagpaabot kay Vice ng kanilang intesyon na mangaroling at mag-solicit para makalikom ng panghanda para sa plano nilang party.

Pero dedma lang daw sa kanila si Vice. Kaya naman nakarating ito sa ilang senior stand up performers gaya nina Teri Onor, John Lapus at iba pa kaya hayun, naisipan daw ng mga ito ang biglaang pag-organisa ng party para sa kanilang colleagues.

Nagkaroon bigla ng venue, ng mga handa, ng patak-patak na ambag para may maipa-raffle sa party.

Sey ng isang nakausap namin, “Mas maganda nga dahil biglaan talaga at walang plano-plano, pero natuloy dahil sa pagkakaisa ng mga stand-up artists mula sa iba’t ibang comedy bars. Walang big star o superstar, lahat pantay-pantay.”

Well, siguro naman ay mayroong magandang paliwanag si Vice about this o baka naman sobra lang itong naging busy dahil sa promo ng kanyang MMFF entry.

Knowing Vice na laging ibinabandera ang kanyang pagmamahal sa kanyang pinanggalingang mundo.