Bagitong tisoy na aktor nakakahiya ang akting sa sikat na serye

NAGKAKAISA ang ating mga kababayan sa opinyon na kailangan pa munang sumailalim sa maraming workshops ang isang bagitong tisoy na aktor bago siya isalang sa mga eksenang emosyonal.

Hilaw na hilaw kasi ang kanyang pagganap, kapag isinasama siya sa mga artistang hinog na hinog na sa pag-arte ay nilalamon siya, sumisinghap-singhap ang acting ng male personality.

Kuwento ng aming source, “Ewan nga ba kung bakit isinalang agad ang lalaking ‘yun, e, kailangan pa muna niyang mag-aral umarte! Workshop ang unahin, huwag ang pag-arte, dahil mukha siyang ewan!

“Tama bang bigyan ng magandang role ang tisoy na ‘yun, e, ni hindi nga siya makapag-dialogue nang maayos? Kung saan-saan napupunta ang facial expression niya, mag-workshop muna siya!” madiing buwena-manong chika ng aming impormante.

Umiiyak na siguro ang direktor ng serye kung saan kasali ang male personality. Balitang paulit-ulit ang take niya, hindi niya kasi makuha-kuha ang tamang pagganap, hindi pa handa sa malalaking giyera ang bagitong aktor.

“Napakahina niyang kumuha ng mga dialogues, paulit-ulit nga ang take niya, pero ganu’n pa rin ang acting niya! Huwag kasing isinasalang agad ang mga artistang hindi pa naman handa sa matindihang eksena!

“Meron siyang eksena nu’ng minsan sa serye nila na kunwari, e, gulung-gulo na ang utak niya, kaya maglalayas na lang siya, pero hindi ramdam ang acting niya.

“Parang natutuwa pa nga siya sa kunwaring paglalayas niya, ganu’n ang dating ng aktingan ng bagitong ‘yun! Tamang baguhan pa lang siya, pero bakit kasi pinagkatiwalaan na siya ng magandang role?

“‘Yun ang hirap kapag may mga backer ang artista, kahit hindi pa naman mahusay umarte, e, nagkakaroon na agad ng work, kasi nga, may konek sila sa network!

“Nakakahiya siyang panoorin, sa totoo lang, ikaw mismong nanonood ang mahihiya dahil sa acting niya na mommy lang siguro niya ang magkakagusto!” naiinis na kuwento ng aming source.

Kapangalan ng ham actor na ito ang isang super-kuripot na pamosong aktor. Palayaw nga lang ng aktor ang dala-dala niya.

Bradly Guevarra, Tita Nene Ulanday, Jon at Ching Bautista Silverio, gusto n’yo ba ng halik?