Edward super proud kay Maymay: You’re a star, nagdala ka ng karangalan sa Pinas!

KILIG na kilig ang milyun-milyong MayWard fans sa ipinost na mensahe ni Edward Barber sa Instagram para sa kanyang “soulmate” na si Maymay Entrata.

Para kay Edward, isang malaking karangalan ang ibinigay ng dalaga sa bansa matapos itong rumampa sa pinag-usapang 2018 Arab Fashion Week sa Dubai. Si Maymay ang kauna-unahang Filipino celebrity model na naimbitahan sa nasabing international fashion event.

Nag-post si Edward ng litrato ni Maymay sa IG at nilagyan niya ito ng caption na, “You’re a star. An absolute star. I know this is long overdue but you shouldn’t forget this: Nagdala ka ng karangalan sa ating bansa at ipinakita mo sa mga tao kung paano yakapin ang totoong pagkatao nila.”

Dagdag ng binata, feeling proud talaga siya kay Maymay lalo na nu’ng rumarampa na ito sa runway, “You’re an inspiration to many, not just me. It’s an absolute pleasure to share this journey with you. You went into PBB as a girl with a dream, just a girl looking at the stars.

“Eventually you became one of them. And after Dubai… you’re shining brighter than any star in the sky. I’m happy I get to be the moon who gets to watch you from afar,” aniya pa.

Sa isa pang post sa Instagram, ibinahagi naman ng dating PBB Lucky Season 7 runner-up ang mga litrato nila ni Maymay na kuha sa ginawa nilang concert sa Dubai. Pinasalamatan niya ang lahat ng mga nanood at nakisaya sa kanilang mga OFW sa Middle East.

“Dubai was a dream. So thankful and blessed to have been able to perform and witness the happiness and smiles of all the OFWs there.

“If there is one thing I will never get tired of, it is the genuine, pure smile of someone I have never met but have had the pleasure of being able to make happy, albeit in a small way. To God be all the glory, this isn’t our success but His,” mensahe pa ni Edward.