Alden, Maine super sweet sa ‘Timeless 2018’ reunion, pinaligaya uli ang AlDub Nation
NINANAMNAM pa rin ng AlDub Nation ang pagpapaligaya sa kanila nina Alden Richards at Maine Mendoza na dumalo sa nakaraang event na Timeless 2018 na inorganisa ng AlDub Nation sa ikatlong taon nito.
Damang-dama nila ang sincerity at pagmamahal ng kanilang mga idolo habang pinasasalamatan sila sa walang sawang suportang ibinibigay sa kani-kanilang projects.
Para kay Alden, nag-mature at nag-evolve na ang AlDub fans pero hindi pa rin nawawala ang pagmamahal nila sa phenomenal loveteam na gumawa ng history sa mundo ng telebisyon at social media.
Para sa mga loyal fans happy pill ang AlDub loveteam, huh!
Ngayong Pasko, kanya-kanyang charity works ang gagawin nina Alden at Maine. Meron silang fun run sa December para sa giant food chain na kapwa nila ineendorso.
Ilang grupo ng fans naman nila ang nag-aayos ng Christmas party para sa mga batang may cancer sa House of Hope Foundation sa Davao City sa Dec. 9.
Mahigit 100 bata ang inaasahan nilang darating kaya humihingi ng tulong ang fan clubs na namamahala para mapasaya ang mga batang may sakit.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.