LYN, DJANIN, TIRSO, BODIE AT TEEJAY CRUZ
NGAYON pa lang ay miss na miss na ni Tirso Cruz III ang pumanaw na anak na si Teejay, Tristan Jedidiah Cruz sa tunay na buhay.
Nitong weekend ay na-cremate na ang labi ng binata na ilang taon ding nakipaglaban sa lymphatic cancer. Siya ay 37 years old. Pinipilit ng pamilya nina Tirso na maging matatag sa kabila ng kanilang pangungulila sa pagkawala ni Teejay.
Kahapon, sa kanyang Instagram account, ipinost ni Tirso ang larawan ng urn na naglalaman ng mga abo ni Teejay.
Nilagyan niya ito ng caption na, “To everyone who came to condole with us. The Cruz family thanks you from the bottom of our hearts. 11-26-2018.”
Bago ito, nag-post din ang award-winning actor sa IG na mensaheng, “Good heavenly morning TJ. Missing you so much. We love you.”
Matatandaan na noong huling lamay para sa binata nitong nakaraang Sabado ng gabi ay sama-samang nagsayaw ang pamilya ni Tirso with their relatives and friends. Ayon kay Pip, mahilig daw kasing sumayaw si Teejay noong nabubuhay pa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.