Bitoy ginawan ng sketch si Rico Puno sa loob lang ng 15 minuto

ISA  si Michael V sa mga celebrities na nagluluksa ngayon sa pagpanaw ng OPM Legend na si Rico J. Puno. Para sa mga hindi pa nakakalaam, naging malapit din si Bitoy sa yumaong singer-comedian.
Sa pamamagitan ng pag-i-sketch, ipinaramdam ni Bitoy ang pagmamahal at pagrespeto kay Rico J. Sa kanyang Instagram account, ipinost ng Kapuso comedian ang ginawa niyang sketch ng mukha ni Rico J.
Nilagyan niya ito ng caption na: “Rico Baby. #TotalEntertainer #15minutesketch.” Habang sinusulat namin ang balitang ito, umabot na sa mahigit 14,000 likes ang post ni Bitoy.
Isa sa mga nagkomento sa IG post ng Kapuso comedian ay ang kaibigan nitong si Ogie Alcasid. Sey ng mister ni Regine Velasquez, “Mismo to Pare.” Na sinagot naman ni Bitoy ng, “So sorry for your loss brod. I know how much he means to you.”