Albie inatake ng depresyon dahil kay Andi
ALBIE CASIÑO
Isa sa pinakamatinding challenge na hinarap ni Albie Casiño sa kanyang buhay ay nang mabalitang siya ang tatay ng ipinagbubuntis noon ni Andi Eigenmann.
Sa panayam ng Magandang Buhay, sinabi ni Albie na mas pinili niya noong manahimik dahil ayaw niyang manakit ng babae.
“Well, since babae rin kasi, hindi ba? Automatic ang sympathy nasa babae. Ako rin bilang lalaki I don’t want to badmouth a female. Doon ko na po nasimulan ang pag-practice ng the art of deadma. Deadmahin mo na lang lahat,” sabi ng isa sa mga bida ng seryeng Los Bastardos.
Inamin niyang inatake siya noon ng depression dahil sa kontrobersya, “Hindi mo naman makukuha ang good times kung walang bad times. So parang after all of the bad times that happened mas masaya na ang pangyayari ngayon. Now we are always just thankful na tapos na lahat ‘yon.”
Maligaya na ngayon ang binata sa girlfriend niyang model na si Michelle Arceo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.