9 na trabahador sa taniman ng tubo patay sa pamamaril sa Negros  | Bandera

9 na trabahador sa taniman ng tubo patay sa pamamaril sa Negros 

John Roson |October 21,2018
facebook
share this

9 na trabahador sa taniman ng tubo patay sa pamamaril sa Negros 

John Roson - October 21, 2018 - 04:23 PM

PATAY ang siyam na nagtatanim ng tubo, ilan sa kanila ay mga babae at menor-de-edad, matapos pagbabarilin ang kanilang tent sa Sagay City, Negros Occidental, Sabado ng gabi, ayon sa pulisya.

Sinunog pa umano ang tatlo sa mga biktima matapos pagbabarilin, samantalang nakaligtas ang ibang nagtatanim matapos magtatakbo at magtago sa dilim.

Kabilang sa mga napatay ay sina Eglicerio Villegas, 36; Angelife Arsenal; lima katao na kinilala bilang alyas “Pater,” “Dodong Laurencio,” “Morena Mendoza,” “Necnec Dumaguit,” “Bingbing Bantigue,” at menor-de-edad na sina Jomarie Ughayon Jr. at Marchtel Sumicad, kapwa 17.

Pawang miyembro ang mga biktima ng Negros Federation of Sugar Workers (NFSW), sabi ni Supt. Joem Malong, Western Visayas regional police spokesperson.

Sinunog umano sina “Morena, “Necnec,” at “Bingbing” ng mga umatake, ayon sa ulat ng Negros Occidental provincial police.

Nangyari ang insidente ganap na alas-9:45 ng gabi sa isang hacienda na pag-aari ng isang Carmen Tolentino, ng Purok Firetree, Brgy. Bulanon.

Inokupa ng mga miyebro ng NFSW ang taniman Sabado ng umaga, isang araw matapos na mag-ani ang may-ari ng tubo.

Nagpapahinga ang mga biktima nang paulanan sila ng bala ng aabot sa 40 na armadong kalalakihan.

Nagtago ang mga nakaligtas sa madilim na lugar sa kasagsagan ng pag-atake, ayon sa ulat.

Tinitingnan ng mga imbestigador ang away sa lupa bilang motibo ng pag-atake, dagdag pa ng ulat.

 

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending