Letran Knights tutumbok ng Final Four berth

Mga Laro sa Martes (Oct. 9)
(Filoil Flying V Centre)
2 p.m. Letran vs San Sebastian
4 p.m. Perpetual vs EAC
Team Standings: *San Beda (14-1); *Lyceum (14-2); Letran (11-4); Perpetual Help (10-5); St. Benilde (8-7); Arellano (5-10); Mapua (5-11); San Sebastian (4-11); EAC (4-12); JRU (2-14)
* – Final Four berth

MASUNDAN ang nakagugulat na panalo kontra Lyceum of the Philippines University Pirates at masungkit ang Final Four berth ang hangad ng  Letran Knights sa pagsagupa sa San College Sebastian College Stags sa NCAA Season 94 men’s basketball tournament ngayon sa the Filoil Flying V Centre, San Juan City.

Manggagaling ang Knights sa 80-79 pagwawagi kontra Pirates kung saan nakuha nito ang ika-11 panalo sa 15 laro at maikasa ang playoff para sa Final Four spot.

Makukubra ng Knights ang Final Four berth at makakasama ang San Beda College Red Lions (14-1) at Lyceum (14-2) kung magwawagi sa  Golden Stags sa kanilang alas-2 ng hapon na duwelo.

Sasandalan muli ng Letran sina Larry Muyang at Bong Quinto na bumida sa kanilang huling laro gayundin din si JP Calvo para mauwi ang importanteng panalo.

Asam naman  ng University of Perpetual Help Altas ang playoff para sa Final Four slot sa salpukan nila ng Emilio Aguinaldo College Generals dakong alas-4 ng hapon.

Nagawa namang makabangon ng Altas para talunin sa overtime ang Golden Stags, 85-77, para mauwi ang ikalimang sunod na panalo at ika-10 sa kabuuan.

Naungusan naman ng Perpetual Help ang EAC, 76-74, sa kanilang unang laban.