Chito Miranda naiyak sa Huling El Bimbo: Sobrang nahiya talaga ako!

NAGING emosyonal ang Parokya Ni Edgar vocalist na si Chito Miranda matapos mapanood ang cast ng “Huling El Bimbo” the musical. Narito ang kabuuan ng Instagram post ni Chito.

“Eto ako nung nameet ko yung cast ng Huling El Bimbo after the show. Sobrang nahiya talaga ako sa kanila kasi di ko napigilang maluha at maiyak nung nameet ko sila (baka sabihin nila ang OA ko naman) pero wala akong magagawa kasi ganun talaga ako when I’m blown away with something.

“With Huling El Bimbo, buong show, mula simula hanggang dulo, nakangiti, kinikilabutan, at naiiyak ako buong time, not just because I’m a huge Eheads fan, but because of how their songs were used, and how they were sung by the artists, kasabay ng kwento.

“Neri was crying on and off throughout the entire show, lalo na sa dulo, while I was just there, watching, enjoying the show, holding her hand (and my tears back?????), hanggang matapos.

“During the curtain call, grabe yung palakpakan ng mga tao. Parang gusto ko kamayan at yakapin isa isa ang bawat cast member. Grabe yung energy at emotion.

“Tapos, in-escort na kami ni Neri backstage to meet the cast…at dun ako naiyak nung niyakap ko sila, bilang pasasalamat sa napaka-gandang experience.Sobrang hinighlight, shinowcase, at ipinamahagi sa buong play ang talent ng mga Pinoy. World class talaga…at dun ako naiyak.”