GLOBE Studios ang magsisilbing major presenter ng pinakaaabangang The 2nd EDDYS (Entertainment Editors’ Choice) ng Society of Philippine Entertainment Editors (SPEEd). Magaganap na ito ngayong gabi, July 9, 7 p.m., sa The Theater At Solaire.
Isa ang Globe Studios sa mga sumusuporta sa mga de-kalidad at maipagmamala-king Filipino movies, kabilang na riyan ang mga award-winning indie films na tumatanggap ng parangal at pag-kilala mula sa iba’t ibang panig ng mundo.
Aktibo rin sila sa kanilang “play it right” anti-piracy campaign para labanan ang patuloy na pamimirata ng mga pelikula sa bansa. Bukod dito, tuluy-tuloy pa rin ang pagpo-produce ng Globe Studios at Globe Live ng mga musicales.
Bukod sa Globe, katuwang din ng SPEEd ang Film Development Council of the Philippines, sa pangunguna ni Chairperson Liza Dino-Seguerra, sa ikalawang taon ng The EDDYS.
Maglalaban-laban sa gabi ng parangal ang limang nominado bilang pinakamagaling na pelikulang Filipino: Birdshot (TBA Studios/Pelikula Red); Deadma Walking (T-Rex Entertainment, Octo Arts Films); Respeto (Cinemalaya Foundation, ArkeoFilms, Dogzilla); Smaller And Smaller Circles (TBA Studios); at Unexpectedly Yours (Star Cinema).
Mahigpit din ang magiging laban nina Joanna Ampil (Ang Larawan); Mary Joy Apostol (Birdshot); Sharon Cuneta (Unexpec-tedly Yours); Bela Padilla (100 Tula Para Kay Stella); at Alessandra de Rossi (Kita Kita) sa pagka-best actress ngayong taon.
Nominado naman para sa Best Actor category sina Abra (Respeto); Joshua Garcia (Love You To The Stars And Back); Edgar Allan Guzman (Deadma Walking); Aga Muhlach (Seven Sundays); at Ronaldo Valdez (Seven Sundays).
Tatanggap ng special awards sina Mario Hernando, Joe Quirino Award (posthumous); Ricky Lo, Manny Pichel Award; at Viva Films producer Vic del Rosario, Producer of the Year Award.
Bukod dito, magbibigay din ang SPEEd ng EDDYS Rising Producers Circle Award kina Roselle Monteverde ng Regal Entertainment at Veronique del Rosario ng Viva Films.
EDDYS Icon awardees naman sina Eddie Garcia, Gloria Romero, Susan Roces, Nora Aunor, Charo Santos-Concio at Maricel Soriano.
Ang magkapatid na Ruffa at Raymond Gutierrez ang magsisilbing hosts sa 2nd EDDYS habang nakatoka naman bilang anchors sa sosyaling red carpet sina Rhian Ramos at Tim Yap.
Ilan sa mga magpe-perform sa gabi ng parangal ay ang kilalang rappers na sina Abra at Loonie, Jona, Bituin Escalante, Wishful 5 at Noel Cabangon.
Sa direksyon ni Paolo Valenciano, ang 2nd EDDYS ay sa ilalim ng produksyon ng fastest growing FM station na Wish 107.5. Pagkatapos ng awards rites, magkakaroon din ng bonggang after party, ang The EDDYS Party.
Para naman sa mga Team Bahay at sa mga hindi makakapunta sa Solaire, maaari n’yong mapanood ang lahat ng mga kaganapan sa awards night via live streaming sa https:// www.facebook.com/ WishFM1075/ and https:/ /www.youtube.com/ wish1075official.
Ang SPEEd ay samahan ng mga entertainment editors ng major broadsheets and tabloids sa bansa sa pa-ngunguna ni Ms. Ian Farinas bilang presidente. Si Isah Red ang founding president ng organisasyon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.