HINDI pa handa ang Pilipinas sa same sex marriage kahit pa maraming grupo ang nagsusulong nito, ayon sa Malacanang.
Ani Presidential Spokesperson Harry Roque, hindi lulusot sa Kongreso at Senado ang panukala.
Maging si Pangulong Duterte, dagdag niya, ay nagbago na ang isip ukol dito.
“And even the President has actually changed his mind on it. There was a time when he said that he was against it. There was a time he said he’s for it. So talagang this is fluid and iyon na nga, If I were asked as a public interest litigator I would have waited,” paliwanag ni Roque.
Kahit si maging si Bataan Rep. Geraldine Roman,na isang transgender, ay aminadong hindi maisasabatas ang same sex marriage sa kasalukuyan.
“Congresswoman Roman has told me so is that it’s not yet time for same sex marriage kaya ang isinusulong po ngayon sa Kongreso, isinusulong nila ng LGBT community iyong SOGIE,” dagdag ni Roque na ang tinutukoy ay panukala na “prohibiting discrimination on the basis of sexual orientation, gender identity or expression (SOGIE).”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.