Jodi may nadiskubre kay Robin: Kala ko urban legend lang ‘yun!

ROBIN PADILLA, JODI STA. MARIA AT RICHARD YAP

Napatunayan ni Jodi Sta. Maria na totoo pala ang legendary gentlemanly ways ni Robin Padilla.

“Napakaano niya. Siyempre, alam naman ng lahat na napakamakabayan niya, ‘di ba? First hand kong na-experience ‘yung pag-aasikaso niya. At hindi lang ako kundi lahat ng nasa set.

“Because before I thought na baka urban legend lang ‘yan, ‘yung sinasabi nilang bibigyan ka ng upuan. Pero ganoon pala talaga siya, hindi lang sa leading lady niya. Magaling siyang makisama sa lahat. Kumbaga, lahat kaibigan niya kahit na ngayon lang niya nakasama,” say ni Jodi sa set visit ng Sana Dalawa Ang Puso.

Kabi-birthday lang ni Jodi and she recalled how she celebrated her natal day.

“Nanggaling kasi ako ng taping. And then after that, we went to Kythe Foundation sa National Children’s Hospital for the kids with cancer. We spent a day with them. After that, nag-rest lang ng konti and had meryenda with my friends. Then at night, we watched a concert sa Araneta Coliseum.”

Ayaw nang mag-wish ni Jodi, kalabisan na raw ito para sa kanya.

“For myself no. I’d say na parang minsan if I ask more from God maybe it’s too much already. He has blessed me with so many good things. Actually, my prayers are for my family and those foundations na sinusuportahan ko. ‘Yung birthday wish ko is ipag-pray din sila, ‘yung sickness na meron sila, that they be healed eventually and for their parents and their primary caregivers to have strength also doon sa support system nila.”

Playing two characters sa SDAP, Mona and Lisa, saan siya mas nahirapan?

“Wala namang madaling role kasi kailangan mo silang parehong pag-aralan. The same process ang ginagawa ko kay Mona at sa isa pang character. Kung paano namin binibigyang buhay si Mona ay ganoon din namin binibigyang buhay si Lisa. So, hindi sila madali pareho because they are two different people.”