Maine gagawa ba ng album sa Universal Records?

MAINE MENDOZA

GAGAWA nga ba ng album ang Dubsmash Queen na si Maine Mendoza under Universal Records? Ito ang tanong ng kanyang mga fans and social media followers matapos mag-viral ang hashtag #MaineForUniversalRecords.

Naging top trending topic sa Twitter Philippines ang nasabing issue with the said hashtag. Libu-libong tweet and retweets na ang nakukuha ng #MaineForUniversalRecords kaya naman mas lalong na-excite ang loyal fans nina Meng at Alden Richards.

Nagsimula ito sa Twitter account ng Universal Records kung saan naka-post ang isang babaeng nakatalikod na nakasuot ng denim jacket na may nakasulat na “Universal.” May mga netizens ang nagsabi na baka raw si Maine na ito at nakatakda na ngang gumawa ng proyekto sa nasabing recording company.

Ngunit may ilan naman ang nagkomento na baka si Claudia Barretto ang nakatalikod na girl dahil ang dalaga ang nasa header ng Facebook page ng Universal Records.

q q q

Nagsimula nang gumiling ang mga camera para sa pelikulang pagsasamahan nina Aga Muhlach at Bea Alonzo. Nasa Vancouver, Canada ang buong production para kunan ang mahahalagang eksena sa movie.

Sa kanyang Instagram account, nag-post si Aga ng photo kung saan makikita silang magkasama ni Bea sa kanilang first shooting day sa Canada na may caption na: “Exciting times!”

Wala pang title ang nasabing movie na ididirek ni Paul Soriano pero ang hashtag na ginagamit nina Aga at Bea sa kanilang mga litrato sa Canada ay #NickandAli kaya malamang baka ito na rin ang maging titulo ng nabanggit na pelikula.