P143.9M jackpot ng Ultra Lotto hindi tinamaan
WALANG nanalo sa P143.9 milyong jackpot prize ng Ultra Lotto 6/58 sa bola Linggo ng gabi.
Ayon sa Philippine Charity Sweepstakes Office walang tumama sa winning number combination na 01-53-27-11-43-18.
Inaasahan na lalapit ang jackpot prize sa P150 milyon sa bola ng Ultra Lotto bukas ng gabi.
Wala pang nananalo ng jackpot ng Ultra Lotto mula noong Pebrero 18 kaya lumaki na ito.
Huling tinamaan ang jackpot prize noong Pebrero 16. Dalawa ang naghati sa P331.9 milyong jackpot prize.
Nanalo naman ng tig-P142,800 ang siyam na mananaya na nakakuha ng limang lumabas na numero. Tig-P1,580 naman ang tinamaan ng 649 mananaya na nakaapat na numero. Balik naman ang P20 taya ng 15,766 mananaya na nakatatlong numero.
Ang Ultra Lotto ay binobola tuwing Martes, Biyernes at Linggo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.