YouTube sensation Justin Lee bentang-benta sa netizens
SA imbitasyon ng katotong John Fontanilla ay napanood namin ang concert ng YouTube sensation na si Justin Lee na mina-manage ng SMAC TV Productions.
Pinamagatang “All About Me”, soldout ang concert ni Justin na ginanap sa North Edsa Skydome nitong nagdaang Mayo 22. Hindi kami pamilyar kay Justin Lee kaya hinanap pa namin siya sa YouTube.
Habang nagtitipa kami ng aming kolum ay pinapanood namin si Justin at nagulat kami dahil kahit hindi namin siya napapanood sa TV ay napakarami niyang followers at talagang tinitilian.
Lahat ng talents ng SMAC TV Productions ay guests ni Justin Lee tulad nina John Roa Francis Lim, Mateo San Juan, VMiguel Gonzales at Isiah Tiglao, with DJ Alvaro. Naroon din ang “Be Happy Go Lucky Host” na sina Klinton Start, Jervy delos Reyes, Ron Mclean, Rayantha Leigh, Angelia Orna, Mikay/ Mikay, JB Paguio, JM Agaps, Rish Ramos, Joshua Malaluan at Sceven Nolasco.
Ang mga nabanggit ay may kanya-kanya na ring fans kaya hindi natigil ang hiyawan sa Skydome. Mas lalong umingay sa venue nang lumabas na sa stage si Justin Lee. May boses naman pala si Justin, may karisma at okay ding pumorma. Partida, hindi pa siya napapanood sa TV, kaya di lalo na siguro kung may regular show pa siya.
Samantala, napanood din namin ang mini-series ng SMAC TV Productions na may titulong Bad Boy In Love na nasa episode 7 na.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.