Pamilya ni Shaina botong-boto raw kay Piolo

PIOLO PASCUAL AT SHAINA MAGDAYAO

WALANG ideya si Vina Morales sa tunay na estado ng relasyon ng kapatid niyang si Shaina Magdayao kay Piolo Pascual.

Matagal na panahon nang nali-link sina Piolo at Shaina pero walang diretsong pag-amin mula sa kanila kung sila ba talaga ay magkarelasyon.

“Kasi hindi na ako nagtatanong kasi nga medyo, I know their friendship is very good. Wala akong idea but they really have a good friendship. ‘Yun ang masasabi ko. Pero pagdating sa commitment I don’t know kung ano ba talaga meron sila. It’s hard for me to tell,” lahad ni Vina.

Nakausap namin si Vina sa grand launch ng bagong serye sa ABS-CBN, ang Precious Hearts Romance Presents Araw-Gabi na pagbibidahan nina JM de Guzman at Barbie Imperial. Magsisimula na ito sa Lunes, Abril 30.

Nababasa na lang daw ni Vina ang tungkol sa dalawa sa mga interview ni Piolo. Nagugulat na lang daw siya sa mga pahayag ni Piolo tungkol sa kanila ni Shaina.

“Basta kung ano ‘yung nababasa ko, ‘yun na lang ang ina-absorb ko, ‘di ba? It’s coming from him. It’s coming from Shaina. So, ‘yun lang din ang pinaniniwalaan ko. I don’t ask.

“Every time naman na may events like birthday ni Shaina, Piolo is there. They get together. And the family is very close to Shaina. So, ayoko lang bigyan ng ibang kahulugan,” aniya.

Boto ba siya kay Papa P na maging brother-in law? “Sino ba naman ang hindi. Piolo is a good person.

He’s a good man. If it works, then, why not? He’s doing well.”

Kung si Shaina ay may naka-stand by lang na lovelife, what about her? “No wala akong ganyan na naka-stand by. I go out with group of friends. Pero like in a serious relationship, I’m not in that stage yet. Let’s see. I always believe naman there’s someone there for me.”

But if ever daw pumasok ulit siya sa bagong realsyon, ready na siya? “Oo, ready na ako. Time is tickling.

But it’s okey. It can wait.”

Mahigit isang taon na ang nakalipas nang makipaghiwalay si Vina sa French businessman na si Marc Lambert. Pero may communication pa rin sila ngunit hindi na niya nakikitang magkakaroon ng balikan, “The reason kasi is the long distance. For now, it’s better this way, and my work is here and his business is there.”