‘Miss Tapia’ comatose pa rin matapos ma-stroke; pamilya humiling ng dasal
ISANG linggo nang comatose ang veteran actress na si Mely Tagasa, o mas kilala bilang si Miss Tapia, ang matandang-dalagang propesor sa sitcom noong dekada 70 na Iskul Bukol nina Tito, Vic & Joey.
Ibinalita ng kanyang anak na si Gina Marissa Tagasa sa pamamagitan ng Facebook na inalis na ang respirator ng 82-year-old na beteranang aktres na naka-confine ngayon sa Cardinal Santos Medical Center sa San Juan.
Narito ang FB status ng kilalang movie and television scriptwriter tungkol sa kundisyon ng kanyang mahal na ina na na-stroke nga last week.
“It was a tough and painful decision to make since she has been quite dependent on this machine. She is still in comatose stage but displays some pain and discomfort as she slightly jerks and squirms because of the intubation. (Ok, doctors say it’s just her ‘reflexes’).
“She now breathes with the help of an oxygen tank. We continue to monitor her condition–her vital signs fluctuate every hour so I can’t say everything is OK.
“If He wills her to continue enjoying a quality life at 83, then a miracle is bound to happen. If He decides to take Mommy home with Him, Eternal Life in Heaven awaits. We accept. Our Faith will see us through.”
Nagpasalamat din siya sa lahat ng nagmamahal sa kanyang ina at sa patuloy ng nagdarasal para sa kanyang paggaling. Hiniling din niya sa mga ito na sana’y huwag tumigil sa pag-offer ng prayers para sa veteran actress pati na rin sa kanyang pamilya, “for courage and emotional and physical strength as we fight this painful battle. God’s plan never fails.”
Magse-celebrate ng kanyang 83rd birthday si Miss Tapia sa April 16.
q q q
Talagang pagdating sa arts, grabe ang appreciation ng Kapuso actress na si Glaiza de Castro.
Katunayan, isang masuwerteng fan niya ang na-feature sa kanyang Instagram page recently matapos niyang i-upload ang ginawa nitong cartoon poster ng pinakabago niyang Afternoon Prime series sa GMA, ang Contessa.
Ayon kay Glaiza, gustung-gusto niya ito at nagpahatid pa siya ng pagbati sa naturang fan. As of this writing, meron na itong mahigit kumulang 7,000 likes. Siguradong mas na-inspire ang artist na fan ni Glaiza na mas maging into arts pa.
Samantala, kung gusto n’yong makita up close and personal si Glaiza kasama ang leading man niya sa Contessa na si Jak Roberto, at ang Kapuso hunk na si Rafael Rossel, punta na tonight, 8 p.m. sa Candon City Civic Center, Candon City para sa Tobacco Festival.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.