Sharon sawa na sa pagpapa-cute kina Robin at Gabby; may bagong hugot para kay Kiko

SHARON CUNETA

DEPENDING on the circumstance, sa kanyang asawang si Sen. Kiko Pangilinan pa rin ang bagsak ng mga post ni Sharon Cuneta on social media, make her husband the be-all and end-all of her circuitous emotional journey.

Tapos na si Robin Padilla, Sharon’s ex. Ang mga emote naman kasi ni Mega tungkol kay Binoe was nothing but a promo blitz para sa kanilang reunion movie.

Medyo napahinga na rin si Gabby Concepcion, Sharon’s original ex. Tapos na rin kasi ang kanilang TV ad, mukhang malabo na ring matuloy ang planong reunion film nila.

“Back to basic” na uli si Sharon, harping on the present yet leaving a room for the netizens to contemplate, if not speculate on the subtext of her otherwise cryptic posts. Ano ba talaga kasi ang nagaganap sa pagsasama nila ni Kiko?

At one point kasi, ang mismong posts ni Sharon ang nagkakanulo sa mga nakakalitong emote niya. Sweet at malambing naman pala as ever ang kanyang esposo, definitely no truth to pregnant talks that their marital boat is sinking, or has sunk in the depths of separation.

Kamukat-mukat mo, here she goes again. May himig o pahiwatig uli ang mga post ni Sharon that something’s wrong or has gone wrong. Her latest post offered a mala-multiple choice, about 10 items pero lima roon ang hindi pa raw niya nagagawa na balak gawin.

Unlike in a questionnaire which has precise answers, tanging si Sharon lang ang nakakaalam which five of those 10 items are correct and marked with checks.

Again, pahulaan na naman ‘yon sa kanyang milyun-milyong followers who only have one person in mind (dahil naitiklop na nga ang mga chapter nina Robin at Gabby): who else but Kiko.

Kung bakit naman kasi ang mag-inang Sharon at KC Concepcion seem to share a common fate these days.

A chip off the old block, matalinhaga rin ang mga naunang post ni KC tungkol sa kanila ng karelasyong si Aly Borromeo: sila pa ba o hindi na? Aly had to break his silence, sila pa raw ni KC samantalang sa halip na susugan ‘yon ng kanyang nobya ay “implied” ang tugon nito, that their relationship has screeched to a halt.

People will sure run after our neck and twist it for saying this.

Nakuha na rin lang kasi ng maraming celebrities (this does not only apply to Sharon and KC) to unload their sentiments on social media (when such issues are deemed strictly private), bakit hindi nila lubus-lubusin ang kanilang emote?

Why mince words kung puwede naman silang magpakatotoo para matapos na rin ang mga katakutakot na comments only for these celebrities to label such as untrue and baseless?

Iilan lang sa kanila ang matapang-tapang, oblivious kung anuman ang repercussions ng kanilang mga ibinuyangyang na katotohanang nagpasikip lang ng kanilang dibdib when kept to their bones.

q q q

Co-stars-turned-enemies.

Nasa iisang teleserye pero galit-galit muna ang tatlong pares na binubuo nina Camille Prats-Neil Ryan Sese, Archie Alemania-Cai Cortez at Ayra Mariano-Bruno Gabriel as they outsmart each other sa episode tonight ng Celebrity Bluff.

Pansamantala munang isasantabi ng mga bituing ito ng Ang Forever Ko’y Ikaw ng GMA ang kanilang professional relationship giving way to their competitive spirit sa ngalan ng tumataginting na kalahating miyong pisong jackpot prize in the original comedy game show hosted by Eugene Domingo.

Alin kaya sa tatlong pares ang magpadadala (read: magpapaloko) sa mga kaechosan ng bluffers na sina Isko Salvador at Boobay, isama pa ang panggulong ni Donita Nose? Lending further fun ay ang input ng gimmick guest na si Boobsie.

O, siya, mga Kapuso, watch na lang kayo ng Celebrity Bluff tonight!