Sharon may hamon kay Marian, dinamay pa si Regine

SHARON CUNETA

PAGHAHANDAAN ni Marian Rivera ang gagawin niyang indie film ngayong taon.

Sa presscon na ibinigay sa kanya ng GMA 7 pagkatapos niyang mag-renew ng exclusive contract sa Kapuso Network kahapon, ibinalita niyang tuloy na tuloy na ang paggawa niya ng pelikula this year.

“Definitely, ano ‘yan, mga pang-Cinemalaya, indie film. Gusto ko kasi i-try ‘yung field na ‘yun ‘eh. Hindi ko pa nata-try so gusto kong gawin this year,” chika ng GMA Primetime Queen.

Paliwanag pa ng misis ni Dingdong Dantes, “Hindi na ako bata, ‘eh. Parang, kelan ko pa gagawin, kung kelan uugud ugod na ako? So try ko na. At saka malaki na naman na ‘yung anak ko ‘eh. So it’s about time rin na gawin ko ‘yung mga bagay na hindi ko pa nagagawa.”

Hindi rin daw imposible na muli silang magkasama ni Dingdong sa isang movie, “Why not, kung may magandang konsepto at kuwento, pwede naman siguro. Ayoko naman i-close ‘yung door ko para sa mga DongYan na nandiyan pa rin at sumusuporta sa amin.”

Samantala, tawa naman nang tawa si Marian nang mabasa ang mensahe ng kanyang ninang sa kasal na si Sharon Cuneta tungkol sa isang sexy photo niya sa social media.

Para kay Mega “perfect” ang ganda at katawan ng Kapuso actress. Komento niya, “Hasosmaryosepsantissimamadredejosnaman anak! Buiset. Alam ko lahat di binibigay ni Lord sa isang tao pero napakaperpek mo!

“Tapatan sa Kantahan na lang tayo Para di masyadong masama loob ni Ninang. Huhuhuhu. Pandagdag lakas loob itatapat ko pa sayo si Regine (Velasquez) sa kantahan. Mahal na mahal ako non! Hahahahaha! Love u!”

Ang one liner na sagot naman ni Marian kay Mega, “Hahahaha! Ninang love you more (with matching heart emoticon)!”