Maine humingi ng tulong para sa operasyon ng netizen

MAINE MENDOZA

NANAWAGAN ng tulong si Maine Mendoza sa kanyang Twitter account bilang tugon sa hiling ng netizen na si @imjessiebarrios.

“Hi @mainedcm. Birthday ko po ngayon, wish ko lang ishare niyo sana tong tweet ko para makapag raise ako ng fund for my bone marrow transplant. Maraming salamat po! Godbless!” tweet ni Jessie G. Barrios.

Maagap namang tumugon sa kanya si Meng, “Let’s help Jessie! Salamat in advance sa inyong tulong!” panawagan ni Maine.

Samantala, sa birthday naman ni Alden Richards sa Eat Bulaga last Tuesday, sumali sa “Pinoy Henyo” ang isang pinsan, road manager at personal assistant na si Tenten. Win ng jackpot ang kanyang PA, huh!

‘Yung napili namang Sugod Bahay winner, nataong ka-birthday rin ni Alden. Bukod sa paghahandog ng cake, tinugunan din ng programa ang wish niyang magkaroon sila ng isang fire truck dahil isa siyang volunteer na bumbero.

Sa totoo lang, pasilip lang ang naganap na selebrasyon ni Alden sa noontime show last Tuesday.

Ngayong Sabado sa programa, mas malalaking pasabog ang handog sa kanya ng EB. After ng show, makakasama naman niya ang kanyang fans sa Enchanted Kingdom sa pakulo nilang “One Fun Day with Alden.”