Dalawa ang maghahati sa jackpot prize ng Mega Lotto 6/45 sa pinakahuling bola nito.
Ayon kay Alexander Balutan, general manager ng Philippine Charity Sweepstakes Office, ang mga nanalo ay tumaya sa lotto outlet sa San Isidro Supermarket, Gapan Olongapo Road, San Isidro, Nueva Ecija at ground floor ng SM City, Pastor Village, Barangay Pallocan West, Batangas City.
Sila ang dalawang nakakuha sa winning number na 06-19-17-44-09-22.
Maghahati sila sa P90.1 milyong jackpot prize ng Mega Lotto. Mayroon silang isang taon upang kunin ang kanilang premyo sa main office ng PCSO sa Mandaluyong City.
Samantala, nanalo naman ng tig-P29,760 ang 45 mananaya na nakalimang numero.
Nanalo naman ng tig-P440 ang 2,402 mananaya na nakaapat na numero at balik ang P20 taya ng 38,452 mananaya na nakatatlong numero.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.