Justices ng SC pinayagan na tumestigo sa impeachment vs Sereno

Pumayag na ang Supreme Court en banc na dumalo ang mga justices at opisyal nito sa pagdinig ng impeachment complaint laban kay Chief Justice Maria Lourdes Sereno.
Inanunsyo ni House committee on justice chairman Reynaldo Umali ang pagpayag ng SC en banc at ang hinihintay na lamang umano ay ang guidelines na ibibigay sa mga iniimbitahan sa pagdinig.
Inaabangan sa pagdinig ang pagdalo ni SC Associate Justice Teresita de Castro na nagalit umano kay Sereno dahil binago nito ang desisyon kaugnay ng temporary restraining order sa kaso ng Senior Citizens partylist noong Mayo 2013.
Inamin ni Atty. Larry Gadon na walang itong personal na kaalaman sa pag-uusap ng dalawa at mayroon lamang umanong nagsabi sa kanya kaya inimbithan ng komite si de Castro.
Samantala, sinabi ni Albay Rep. Edcel Lagman na hindi maganda na isinasapubliko ng mga hurado ang kanilang away.
“Differences between members of the High Court should not be a viable ground for impeachment,” ani Lagman. “For those in the High Court, exposing their squabbles and in a way, washing dirty linen before the public is not commendable for an institution which is called upon to be sober and to play the role of arbiter when the two co-equal departments fail.”
Sinabi ni Lagman na sabihin na mayroong pagkukulang si Sereno sa kanyang trabaho, masasabi ba umano na ito ay impeachable offenses.
“Even granting that there were deficiencies on the part of the Chief Justice which will be revealed by the witnesses from the SC, will these deficiencies be tantamount to culpable violation of the Constitution and other impeachable offenses? I doubt very much,” dagdag pa ng solon.