Featured Stories

Ni Jun Nardo NANGANAK na si Pauleen Luna Sotto sa kanyang first baby. Ito ang masayang in-announce ng asawa niyang si Vic Sotto sa noontime show ng GMA 7 na Eat Bulaga. “It’s a bouncing baby girl!” ang balita ni Bossing. Nagsigawan ang audience sa loob ng studio matapos ibahagi ng TV host-comedian ang good news. Sa unang bahagi ng announcement, sinabihan ni Vic si Allan K na batiin niya si Pauleen. Eh, November din ang birthday ni Poleng kaya ang pagbati sa kaarawan ang ginawa ng TV host-comedian. Hirit naman ni Joey de Leon, totoong may nagse-celebrate din daw birthday today pero hindi si Pauleen kundi ang panganay nila ni Vic. Bitaw pa ni Bossing, “Makamandag pa rin ako! Ha! Ha! Ha!” Say pa niya, ibabahagi sa Eat Bulaga ang event na ‘yon sa buhay nilang mag-asawa. Two weeks ago sa EB, nagkaroon ng baby shower si Pauleen. Nagpaalam siya sa kanyang Instagram na sa 2018 na siya babalik sa noontime show. Wala ng iba pang detalyeng sinabi si Vic tungkol sa bagong silang na anak pati na kung saang ospital nagsilang si Mrs. Vic Sotto.