Sulat mula kay Rodney ng St., Francis Village, Bagbag, Lapu-Lapu City,
Dear Sir Greenfield,
Dati po akong nag-abroad bilang seaman ang kaso ng matapos ang unang kontrata ko ay hindi na ako nabalik uli. Sa ngayon halos magdadalawang taon na akong istambay, pero nag-aaplay po ako kaya lang parang ang tagal bago ako matawagan, kaya naisipan kong kumunsulta sa inyo upang itanong kung makapagba-barko pa ba akong muli? Kasi kung wala ng pag-asa balak kong lumuwas ng Maynila at doon makipagsapalaran, may tiyuhin kasi ako don na may ari ng talyer at noon pa niya ako ini-invite na sa kanya na lang daw ako mag-trabaho. Ano po ba sa palagay nyo, saan ako higit na aasenso sa barko o pagmemekaniko? February 28, 1989 ang birthday ko.
Umaasa,
Rodney ng Lapu-Lapu City
Solusyon/Analysis:
Palmistry:
May malinaw naman at malawak na Travel Line (Illustration 1-1 arrow 1.) sa iyong palad. Tanda na basta’t magsikap ka lang sa pag-aaplay at wag manghihinawa, tiyak ang magaganap, sa takdang panahong inilaan ng kapalaran, may ikalawang pagbabarko na mararanasan.
Cartomancy:
Five of Spades, Ten of Diamonds at King of Diamonds ang lumabas (Illustration 1.). Ang mga baraha ang nagsasabing bagamat maraming mga balakid sa kasalukuyan pag-aaplay, matatapos din ang lahat ng mga problema nabanggit. Kung saan, pagsapit ng buwan ng Oktubre o kaya’y Nobyembre, matatawagan ka na ng agency or shipping company na pinag-aayan mo hanggang sa tuluyan na uling makapag barko at pagkatapos tuloy-tuloy ka na uling aasenso higit lalo sa aspetong may kaugnayan sa materyal na bagay.
Itutuloy…
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.