MRT
MULING nasira ang Metro Rail Transit Line 3 ngayon araw at naapektuhan ang daan-daang pasahero, ilan sa kanila ay naglakad sa gilid ng riles pabalik sa istasyon.
Alas-2:55 ng hapon nang pababain ang mga pasahero sa Quezon Avenue station north bound matapos na magkaroon ng technical problem ang tren.
Nagpatupad naman ng provisional service interruption ang MRT alas-3:14 ng hapon. Nakansela ang biyahe mula Shaw Boulevard hanggang North Avenue stations at pabalik dahil sa technical problem.
Bumalik sa normal ang operasyon alas-3:40 ng hapon.
Pero alas-4:02 ng hapon ay nasiraan ang isa pang tren sa Shaw Boulevard station south bound.
Mula Lunes ay 10 beses nagkakaroon ng aberya ang operasyon ng MRT.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.