Alden, Maine, KathNiel, DenJen, Anne, Toni nagpaka-fan sa Coldplay concert
DAGSA ang ilang local celebrities na nanood ng Manila concert ng British rock band na Coldplay last Tuesday
Maagang pumila sa venue ang loveteam nina Alden Richards at Maine Mendoza. Fan girl ang peg ni Meng na suot ang damit na sinuot nu’ng panoorin ang concert ng paboritong banda last year sa Amerika. Apparently, walang special treatment sa dalawa kahit meron silang mga sikyu.
Sa isang picture nga, para masilip nang todo ang mga idolo, hayun at binuhat pa ni Alden si Maine at pumatong sa balikat ng Pambansang Bae!
Watch din ang mag-asawang Paul Soriano at Toni Gonzaga na may picture kasama ang lovebirds na sina Daniel Padilla at Kathryn Bernardo.
Present din ang GMA Ultimate Star na si Jennylyn Mercado ka-date ang boyfriend na si Dennis Trillo at sina Bela Padilla, Angel Locsin, Anne Curtis at marami pang iba.
Aba, grabe ang traffic na nilikha ng Cold Play concert nu’ng Martes, huh! May 35,000 na Pinoy fans ang estimated na nanonood.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.