Inaasahang aabot sa P137 milyon ang jackpot prize ng Ultra Lotto 6/58 sa bola nito sa Biyernes.
Ayon kay Alexander Balutan, general manager ng Philippine Charity Sweepstakes Office, walang tumaya sa winning number combination na 39-09-30-20-34-01 sa bola noong Linggo ng gabi kung saan umabot ang jackpot prize sa P131.6 milyon.
Nanalo naman ang dalawang mananaya ng tig-P280,000 matapos makuha ang limang numerong lumabas.
Ang 685 mananaya naman ay nanalo ng tig-P1,340 matapos makuha ang apat na numero. Balik naman ang P20 taya ng 16,277 mananaya na nakatatlong numero.
Ang Ultra Lotto ay binobola tuwing Biyernes at Linggo lamang.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.