Gina Alajar botong-boto sa singer na dyowa ni Geoff

BOTO rin ang actress-director na si Gina Alajar sa singer na si Maya, girlfriend ng anak niyang si Geoff Eigenmann.

Present sina Geoff at Maya pati na si direk Gina sa launching ng French watch na Rene Mouris sa grand ballroom ng City of Dreams last Sunday. Pero walang masyadong PDA (public display of attention) sina Geoff at Maya, huh!

Biniro namin si direk na boto rin naman siya dati kay Carla Abellana na dating GF ng anak.
“Mabait naman kasi na bata si Carla,” rason ng premyado ring aktres.

Si direk Gina ang director ng seryeng Pinulot Ka Lang Sa Lupa ng GMA na pinagbibidahan nina Julie Ann San Jose at Benjamin Alves. Naidirek na niya si Julie Anne nu’ng Tween Hearts days pa. This time, drama ang peg ng role ng Asia’s Pop Sweetheart.

“Very attentive sa directions ko si Julie Anne. Ibang-iba na siya rito,” sambit ni direk Gina.

In love kasi siya, sabi namin sa actress-director, “Ganoon ba? Ha! Ha! Ha! Maganda naman kasi,” saad pa niya.

Kahit nagdidirek, nakakagawa pa rin ng movie si Gina. Meron silang natapos na indie movie ni Phillip Salvador na isinali sa Metro Manila Film Festival pero hindi pinalad na makapasok sa Magic 8. So anong masasabi niya sa mga napiling entries?

“Kanya-kanyang taste naman ‘yan. Tingnan muna natin ang magiging resulta sa opening day. Eh once kasing hindi nila makuha ang target, baka ibalik nila ‘yung movies na malakas pag Pasko,” sey pa ni direk.

Anyway, sa launching na ‘yon ng French watch, nagdatingan din sina Sunshine Dizon, Sunshine Cruz, Ara Mina, Mika de la Cruz, Dingdong Avanzado, Jimmy Santos, Gloc 9, Carlo Gonzales at mga sosyalero’t sosyalerang non-celebrities upang personal na makita ang iba’t ibang klase ng Rene Mouris timepiece na worth the price kahit mahal, huh!