Maine, Alden nag-Undas sa Europe; nakatanggap ng good news mula sa Eat Bulaga
TIPID sa detalye ang biyahe nina Alden Richards at Maine Mendoza. Pero sa Europe ang destinasyon ng dalawa base sa posts ng ilang AlDub fans. Ang hashtag na kumakalat sa social media ay #ALDUBinEurope.
Kahapon ay may lumutang na picture sa Instagram account ng isang @maine_deicm. Magkaharap ang dalawang pares ng paa na nasa ibabaw ng The Diana Princess of Wales Memorial Walk.
Hula ng ilan sa mga komentong nabasa namin, isa sa pares ng paa ay kay Meng. May nagtanong din kung nagpunta sa Hyde Park sina Maine at Alden?
Komo walang tugon kay Maine, hiling ng fans ay mag-share pa siya ng lugar na pupuntahan nila lalo na’t magkasama na sila ni Alden, huh!
Anyway, bukod sa pagbubunyi ng AlDub Nation sa muling pagsasama sa abroad ng mga idolo, nakatanggap din sila ng magandang balita, wagi sa rating ang ALDUBWedding noong Oct. 22 base sa latest survey ng AGB.
Nilampaso ng nasabing episode ng Eat Bulaga ang It’s Showtime na may 12.4% rating lang kumpara sa 25.7% ng AlDub wedding.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.