SAAN pupulutin ang protesta ni Philippine Olympic Committee (POC) presidential candidate at Association of Boxing Alliances in the Philippines (ABAP) president Victorico ‘Ricky’ Vargas?
Ito ang malaking katanungan kasunod ng pagkakadiskuwalipika nitong Miyerkules ni Vargas na makakaharap sana ni incumbent POC president Jose ‘Peping’ Cojuangco Jr. sa gaganaping POC election sa Nobyembre 25.
“Where will they file the protest? They will submit their protest to the same election committee that disqualified them and then what? They will go next to the executive committee which is composed of their rival candidates and then the general assembly?” sabi ng opisyal na tumangging magpakilala. “And their last resort, the Court of Arbitration of the International Olympic Committee (IOC).”
Una nang ipinaalam na hindi naman basta na lamang bibitiwan ni Vargas ang nakamit nitong diskuwalipikasyon at nakatakdang kuwestiyunin ang desisyon ng binuo mismo ng POC na Election Committee na nagbabawal dito na labanan ang asam ang ikaapat na termino na si Cojuangco.
Inihayag naman ng tatlo kataong komite sa eleksiyon na binubuo ng mga kaalyado ni Cojuangco na sina retired IOC Representative to the Philippines Francisco ‘Frank’ Elizalde, Abono Representative Conrado Estrella III at De La Salle Santiago Zobel School president Bro. Bernard ‘Bernie’ Oca ang diskuwalipikasyon sa POC general assembly sa Wack Wack Golf and Country Club noong Miyerkules.
Kasamang diniskwalipika nina Elizalde, ang ka-ticket ni Vargas at tumatakbong chairman na si Cavite Dist. 7 Rep. Abraham ‘Bambol’ Tolentino.
Sinabi ni Elizalde na hindi natugunan nina Vargas at Tolentino ang election requirement na binuo sa nakalipas na termino ni Cojuangco na nasa Article 7 Section 11 ng POC constitution and by-laws para sa kanilang mga tinatakbuhang posisyon na dapat aniya ay “an active member of the POC general assembly for two consecutive years at the time of their election.”
“As per records of attendance, I regret to advise that they did not comply with the attendance in general assembly,” sabi ni Elizalde.
Hindi dumalo si Vargas sa pulong kundi ang ABAP secretary-general na si Patrick Gregorio. Madalas na dumadalo sa asembliya si ABAP executive director Edgar Genaro ‘Ed’ Picson.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.