Mga Laro Bukas
(Alonte Sports Arena, Biñan, Laguna)
4:30 p.m. Blackwater vs San Miguel Beer
6:45 p.m. TNT KaTropa vs Barangay Ginebra
SINUGURO ng Alaska Aces ang silya sa quarterfinal round matapos tambakan ang NLEX Road Warriors, 100-85, sa kanilang 2016 PBA Governors’ Cup elimination round game kahapon sa Mall of Asia Arena sa Pasay City.
Pinangunahan ni LaDontae Henton, na pinarangalan bilang Player of the Game, ang Aces sa itinalang 27 puntos at pitong rebounds.
Nag-ambag si RJ Jazul ng 14 puntos, si Vic Manuel ay nagtala ng 13 puntos habang sina Calvin Abueva at Sonny Thoss ay may tig-10 puntos para sa Alaska, na tinapos ang elimination round ng torneo sa 6-5 kartada.
Si Henry Walker ay kumana ng 29 puntos at 10 rebounds para pamunuan ang Road Warriors, na nalaglag sa 5-6 record.
Si Paul Asi Taulava ay kumamada ng 14 puntos, si Sean Anthony ay nagdagdag ng 11 puntos at si Glenn Khobuntin ay may 10 puntos para sa NLEX.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.