Ni Reggee Bonoan
DEDMA lang si Coco Martin sa mga naglalabasang isyung nabayaran siya ng malaki para i-endorso ang mga pulitikong kaibigan at kakilala niya dahil kung totoo raw ito hindi na sana siya kakayod nang husto.
Naikuwento sa amin na sobrang masinop daw si Coco sa bawa’t sentimong kinikita niya dahil nagpapagawa siya ng bahay at bukod pa sa marami siyang natutulungan.
Kaya napapangiti na lang daw si Coco sa mga naglalabasang issue sa kanya tungkol sa talent fee daw niya mula sa mga politikong tumatakbo sa 2013 elections.
At imbes na patulan ay itinutuon na lang niya sa trabaho ang kanyang panahon kaya naman sa bawa’t biyayang dumarating sa kanya ay ipinagpapasalamat niya ito ng husto.
Samantala, hindi naman natitinag sa ratings game ang fantaseryeng Juan dela Cruz dahil sa buong Marso ay nag-average ito sa 35.7%.
Anyway, sa patuloy na umeereng kuwento ng JDC ay pinapahanap na ni Haring Samuel (Albert Martinez) ang Tagabantay.
Ano nga ba ang gagawin ng Hari kapag natuklasan niya na ang taong tumutugis sa kanilang lahi ay anak ng babaeng pinakamamahal niya?
Sa pagdating ng aswang na si Omar (Jason Abalos), paano pa nga ba maililihim ni Juan (Coco) ang kanyang tunay na pagkatao?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.