Ex- action star umaasang bibigyan ng pwesto ni Digong

HABANG nalalapit na ang pagbaba sa pwesto ng isang sikat na government official ay nadadalas naman ang pagpapa-cute sa Malacanang ng isang may edad na rin na aktor.

Gusto kasi ng aktor na ito na makuha ang nasabing pwesto makaraan siyang alatin sa ilang mga eleksyon na kanyang nilahukan.

Sinabi ng ating Cricket sa showbiz world na kailangan ni Sir ng trabaho dahil apektado na ang kanyang ekonomiya.

Bukod kasi sa walang pelikula ay wala rin siyang ibang raket sa kasalukuyan.

Dati na ring na-involve sa isang mayamang negosyante ang ating bida pero makalipas ang ilang taon ay iniwan din siya ito.

Napansin kasi ng super rich na businesswoman na pera lang ang gusto sa kanya ng gwapitong action star.

Na-inlab din ito sa isa pang kontrobersiyal na aktres kung saan ay nagkaroon pa sila ng anak pero di rin ito nagtagal at ginawa niyang sugar mommy ang actress na higit namang mas bata sa kanya.

May balita rin na naging boyfriend siya ng isang baklitang negosyante na hindi rin naman nagtagal sa kanya dahil mas naengganyo ang bading sa ilang higit na mas bata at yummy na mga aktor.

Kumbaga ay markado na ang ating bida pagdating sa paggawa ng pera.

Totoo namang naging tagasuporta siya ng pangulo lalo na noong panahon ng halalan, pero tulad ng marami sa kanila itong ating bida ay umaasa rin na mabibigyan ng pwesto sa gobyerno.

Pero sinabi ng ating Cricket na baka mahirapan itong si action star na makamit ang kanyang ambisyon dahil ang kaagaw niya sa pwesto ay anak-anakan ng isang dating pangulo ng bansa.

Kumbaga sa laban ay medyo dehado ang ating bida kaya naman doble-kayod ito na makuha ang nasabing pwesto na related naman sa mundong kanyang ginagalawan.

Ang action star na humihirit ng pwesto sa Malakanyang ay si Mr. P….as in Pili.