Lovi: Na-miss ko ang magpakita ng katawan!

LOVI POE

IPINANGALANDAKAN muli ni Lovi Poe ang kanyang alindog sa kanyang Instagram account. Itinanggi niyang may kinalaman ‘yon sa pagiging single niyang muli after breaking-up with Rocco Nacino.

“Hindi naman po. How do I explain this? Kumbaga, may times na you can’t be sexy all the time. Na-miss ko lang po talaga! Ha! Ha! Ha!

“Na-miss ko lang magpakita ng skin talaga. Hindi. It’s something that I enjoy doing once in a while. Siyempre parang I don’t wanna be doing that all the time. Medyo nakakasawa,” dahilan ni Lovi sa tanong namin after niyang pumirmang muli ng three-year contract sa Kapuso Network.

Masarap ba ang feeling na magsuot ng seksing swimsuit? “It’s nice to be…Very liberating!” tugon ng Premiere Actress.

So, kumusta na ngayon ang puso niya? “It’s beating! Happily beating! Ha! Ha! Ha!” sagot niya. “Still beating!” dagdag ni Lovi.

Pero may foreigner na Chris ang name na nakikitang lagi niyang kasama these days, huh! “He’s a good friend of mine who is visiting here. He doesn’t live in the Philippines. He is French,” sambit niya.

Hindi naman daw siya sumusunod sa type ng mga kaibigan gaya nina Solenn Heussaff at Isabelle Daza na foreigner ang karelasyon. Handa ba siyang ma-inlove sa foreigner?

“I don’t know. I don’t know. If it happens, I just wanna go with the flow. Pero ngayon, focus muna sa career ko and hoping for the best in the future!” diin ni Lovi.

Mayaman ba ‘yung fo-reigner? “Ha! Ha! Ha! Nakakatawa ‘yong mayaman!” bulalas ni Lovi.

Teka, kumakain ba siya sa tapat ng GMA (kung saan located ang Rufo’s branch ni Rocco)?

“Basta ako, I will always treasure what I had with my past relationships. They will always be close to my heart and special. I learned a lot from them,” rason ng Primera Aktresa.

Sa bagong series ni Lovi sa GMA, si Tom Rodriguez ang kapareha niya. Hindi niya pinagkaila na marami silang kissing scenes ng aktor. Sa movie naman na “The Escort”, sila naman ni Derek Ramsay ang may lampungan.

“Yes, I love working with Derek coz sobrang bait niya! Maalaga siya sa mga love scene,”sabi niya.

Kissable din ang lips gaya ni Tom? “He knows that! Ha! Ha! Ha! He knows that he’s kissable! Very maalaga. Sinusuwerte ako na ang mga kapareha ko, gentleman silang lahat!” chika pa ni Lovi.