Team Tisoy vs Team Chinito maglalaban para kay Jodi sa ‘The Achy Breaky Heart’
GILIW na giliw din kami sa trailer ng pelikulang “The Achy Breaky Hearts” nina Jodi Sta. Maria, Richard Yap at Ian Veneracion.
Grabe pero this early ay sasabihin naming isa na naman ito sa magiging biggest movie hits ng Star Cinema and definitely will make Jodi a box-office winner.
Kyut, simple ang aliw factor at nakakakilig ang atake ni Jodi sa role niya bilang isang babaeng halos mapag-iwanan na ng romansa at pag-ibig na biglang pag-aagawan nga nina Ian at Richard.
Team Tisoy ang para kay Ian, habang team Chinito naman ang kay Richard. Kapwa may malaking following ang dalawa na mas nakilala bilang ka-loveteam ni Jodi sa mga teleseryeng Be Careful With My Heart at Pangako Sa ‘Yo.
Kahit kami, hirap na hirap na mamili kaya’t lagot tiyak si direk Antoinette Jadaone sa mga fans na mag-e-expect na ang idol nila ang magiging “ka-forever” ni Jodi sa movie.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.