Tikom daw ang bibig ni Gerald Anderson sa isyung kinasangkutan niya with the Diamond Star Maricel Soriano noong makita siya ng ilang manunulat.
Wala ring reaksiyon si Gerald sa balitang may gusto sa kanya si Maricel.
Mabuti na rin siguro ‘yun na ‘di na “pumatol” sa issue ang aktor para ‘di na humaba.
Hindi pa rin naman kasi nagsasalita si Maricel kaya magmumukha namang bastos si Gerald kung magdadakdak pa siya samantalang tahimik nga lang si Maria.
Pasasaan ba’t darating din ang tamang panahon, lalabas at lalabas ang tunay na kuwento sa isyung ito.
Kagabi, pinatunayan naman ni Gerald na hindi siya bobong umarte, dahil acting kung akting talaga ang ginawa niya sa episode ng Maalaala Mo Kaya kung saan binigyang buhay niya ang karakter ng ikalawang anak ng yumaong Sen. Rene Cayetano, si Sen. Alan Peter Cayetano.
Si Tommy Abuel ang gumanap na tatay ni Gerald, at tinitiyak namin na marami na namang napaluha ang aktor sa madamdaming pagganap niya sa nasabing MMK episode na idinirek ni Nuel Naval. Ngayon, naniniwala ba kayo na bobong umarte si Gerald? Huh!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.