Regine: In fairness, may chemistry daw kami ni Mikael!

TUWANG-TUWA si Regine Velasquez sa patuloy na pagdami ng mga tumututok sa primetime series nilang Poor Señorita na gabi-gabi ring nagte-trending sa social media.

Aliw na aliw ang Asia’s Songbird sa mga nakita niyang fan art na gawa mismo ng kanyang mga tagasuporta at ng mga follower ng kanyang leading man sa serye na si Mikael Daez. Pati nga ang mga dialogue ni Regine sa Poor Señorita ay ginagaya na rin ng viewers tulad ng, “You’re fired,” “TUBEGGGGGG!!!” at iba pa.

Marami rin ang natutuwa sa magandang chemistry nina Regine at Mikael, swak na swak daw ang kalokahan ng dalawa. Sey nga ng Songbird, “Sa umpis pa lang ng taping nakita na ni Direk Dom (Dominic Zapata) na may chemistry kami, kailangan lang mailabas pa para mas matuwa ang viewers.

Magugustuhan ng tao si Mikael dahil jugets (bagets), matangkad, guwapo at matipuno. I’m sure may kikiligin!” Sa pagpapatuloy ng kuwento ng Poor Señorita sa GMA Telebabad, dadalhin sa barangay sina Rita at Rambo. Pagbabantaan si Rambo na dadalhin sa boystown.

Mapipilitan si Rita na ibigay ang P30,000 para maareglo ang kaso. Nang makalaya, ipaliliwanag niya na nagawa lang naman niya iyon para tulungan si Rita. Masasabi ni Rita na hindi niya kailangan ng tulong.
Imbiyerna si Rita dahil hindi niya alam kung saan siya makakakuha uli ng P30K.

Magkakaaway sila ni Kyla. Sasabihin ni Rambo kay Apol na kaya niya gustong tulungan si Rita dahil nangako ito na tutulungan silang hanapin ang nanay niya. Magkakapatawaran sina Rita at Rambo.
Muling kakausapin ni Rita ang lawyer.

Sasabihin nito na kailangan ng proof para mapatunayan na kay Rita ang property na gusto niyang bawiin. Maaalala ni Rita na ang titulo ay nasa safety deposit box sa opisina niya. Uutusan niya si Maika na kunin yun pero hindi makikita ni Maika.

Mamabutihin ni Rita na siya na lang ang pumunta at mismong maghanap. At the same time, patuloy ang paghahanap ni Kilmer kay Rita. Mapagtatanungan niya si Tero pero itatanggi nito na kilala niya si Rita. Yayayain ni Randall si Kyla na mag-mall. Darating dito ang isa pa nilang kaibigan.

Maririnig ni Kyla na hinahamak siya ng mga ito dahil mahirap siya at di niya afford ang sinusukat niyang damit. Mahe-hurt si Kyla. Nagkataon naman na pupunta rin sa same shop sina Edison at Piper. Habang nasa dressing room si Edison maririnig niya ang sasabihin ni Kyla kay Apol na hindi mahalaga ang magarang damit.

Mai-impress si Edison sa sinabi ni Kyla. Anonymously, siya ang magbabayad ng damit na sinukat nito. Nang malaman ni Kyla ang nangyari, susubukan niyang habulin si Edison pero makikita na lang niya ito from afar.

Samantala, tutulungan ni Maika si Rita na makapasok sa opisina. Pero pagbukas ni Rita ng safe wala na doon ang mga titulong hinahanap niya. Darating si Deborah.