Alden sumugod sa Canada, mga OFW napawi ang kalungkutan
Hindi maitago ng mga Pinoy sa Canada ang kanilang tuwa’t kilig nang makita si Alden Richards sa kanyang pagdating sa airport kamakailan.
Sinalubong siya ng mga fans na may mga dalang tarpaulin habang kilig na kilig na nagpa-picture. Nagpunta Canada si Alden para sa “Bae in the City Canada Tour 2016” ng GMA Pinoy TV na binubuo ng tatlong show sa Manitoba, Alberta at British Columbia (March 22 hanggang 24).
Kasama niya ang Kapuso hunk na si Rocco Nacino. Matinding pag-eensayo raw ang ginawa nina Alden at Rocco para sa kanilang mga kababayan doon na nami-miss na ang Pilipinas. In fairness, hindi naman nabigo ang mga OFW doon dahil sulit na sulit ang kanilang mga napanood.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.